Biju Longhinos

അബ്ദുൽ കലാമിന്റ്റെ ആഗ്രഹം സഫലീകരിക്കുന്നവർക്ക് വേണ്ടി !

Longhinos — Sun, 09 Aug 2015 04:58:01 GMT

തന്റ്റെ മരണം 'അവധി' പ്രഖ്യാപിച്ചു ദുഖിക്കുന്നതിനെക്കാൾ നല്ലത് അന്നും മറ്റൊരുനാളും കൂടെ പണി ചെയ്താവണം തന്നോടുള്ള സ്നേഹം പ്രകടിപ്പിക്കുവാൻ എന്ന് പ്രൊഫസർ അബ്ദുൽ കലാം ആഗ്രഹിച്ചിരുന്നു. ഇതിൻ പടി ഒരുപാടു സ്ഥാപനങ്ങളിൽ ആളുകൾ ഒരു ഞായർ പ്രവർത്തി ദിനമായി കൊണ്ടാടിവരുന്നു. ജനങ്ങളുമായി സമ്പർക്കം പുലർത്തുന്ന ആപ്പിസുകളിൽ എത്ര മാത്രം ഗുണകരമായി ഈ പ്രവർത്തന ദിനം മാറി , എന്ന് കണ്ടു പിടിക്കെണ്ടാതാണ് . ഞായർ പ്രവർത്തി ദിനമായിരുന്നുവെന്നു ജനം അറിയുന്നത് അടുത്ത ദിവസത്തെ പത്രത്തിൽ നിന്നാണ്. ഈ ഒരു അറിവ് കൊണ്ട് ജനത്തിന്നു ഒരു നേട്ടവും ഇല്ല. പിന്നെ ആകെയുള്ളത് അബ്ദുൽ കലാമിന്റ്റെ പേര് ഉപയോഗിച്ച് നല്ല പിള്ള ചമഞ്ഞൊരു പരസ്യം.

പ്രോഫെസ്സോരോടുള്ള സ്നേഹം ആദരവ് എന്തുകൊണ്ട് ജനങ്ങൾക്ക്‌ പ്രയോജനമാകും വിധമാക്കി എടുത്തുകൂടാ?

ഒരു ഉപക്ഷേപം:

എല്ലാ വർഷവും ഫെബ്രുവരി മാസം ആദ്യ ഞായർ നമുക്ക് '' പ്രൊഫസർ അബ്ദുൽ കലാം ദിനമായി'' പ്രഖ്യാപിക്കാം. അന്നേ ദിവസം ഇന്ത്യ ഒന്നടക്കം പ്രവർത്തി ദിനമാകണം ( മതപരമായ ആഘോഷങ്ങൾ വന്നാൽ പോലും). ഫെബ്രുവരി മാസത്തിനു ഒരു പ്രത്യേകതയുണ്ട്. 28 ദിവസമേയുള്ളൂയെങ്കിലും, സ്ഥിരവരുമാനക്കാർ 30 ദിവസത്തെ ശമ്പളം വാങ്ങുന്നുണ്ട്. അതുകൊണ്ട് ഒരു ദിവസം കൂടെ പണിചെയ്യുന്നത് വഴി സാമൂഹ്യ സമാനതക്കും സഹായകമാകും. പ്രൊഫ്‌. കലാം ദിനം ( ഫെബ്രുവരി മാസം ആദ്യ ഞായർ) എന്നൊന്ന് എന്തുകൊണ്ട് അങ്ങനെ ( ജനങൾക്ക് ഉപയോഗ പ്രദമായി, എല്ലാ വർഷവും ) വിഭാവന ചെയ്തുകൂടാ ?

റെയിൽവേ സ്റ്റേഷനിൽ കുടി വെള്ളത്തിനു കരം -- ആപ്പിന്റ്റെ (AAP) എതിർപ്പും !

Longhinos — Sun, 26 Jul 2015 07:03:28 GMT

സ്റെഷനുകളിലെ കുടി വെള്ളത്തിന്‌ റെയിൽവേ പണം ഈടാക്കുവാൻ തീരുമാനിച്ചു. ഇതിനെതിരെ ആപ്പിന്ററെ ( AAP ) വക പ്രതിഷേധവും കണ്ടു. ആദ്യം ഈ പ്രതിക്ഷേധത്തിനെ പിന്താങ്ങനമെന്നു തോന്നി.പക്ഷെ ഏറെ ചിന്തിച്ചപ്പോൾ, അതിൽ പ്രസക്തിയില്ല എന്ന് എത്തിച്ചേർന്നു.

മിക്ക യാത്രക്കാരും കുടിക്കുവാനുള്ള വെള്ളം വീട്ടിൽ നിന്നും കൊണ്ട് വരുന്നു അല്ലെങ്കിൽ കടയിൽ നിന്നും വാങ്ങുന്നു. റെയിൽവേയിലെ വെള്ളം മിക്കവരും ഉപയോഗിക്കുന്നത് കുടിക്കുവാനെന്നതിൽ ഉപരി കഴുകുവാനും മറ്റുമാണ്. നമ്മുടെ എല്ലാ സ്റെഷനിലും കുടിവെള്ളം മുഖം കഴുകുവാനും പല്ല് തേക്കുവാനും പാത്രങ്ങൾ കഴുകുവനുമായി ചിലവിടുന്ന കാഴ്ച സുലഭമാണ്.

ഈ സാഹചര്യത്തിൽ റെയിൽവേയുടെ തീരുമാനത്തിൽ തെറ്റു ഉണ്ടെന്നു എനിക്ക് തോന്നുന്നില്ല. കാരണം ഇന്നും പൈസ കൊടുത്തു വെള്ളം വാങ്ങിച്ചു തന്നെയാണ് നമ്മൾ സ്റെഷനിൽ പോലും വെള്ളം കുടിക്കുന്നത്.

എന്നാൽ മറ്റൊരു കാര്യം ചെയ്യണം. കുടി വെള്ളത്തിൽ ഇന്നും റെയിൽവേ ഉണ്ടാക്കുന്ന ആദായം, ശുദ്ധീകരണ ചിലവുകൾക്ക്‌ ശേഷമുള്ളത്, വിദ്യാർഥികൾക്കോ, മുതിർന്ന പൌരെൻമാര്ക്കോ വിശേഷാലായുള്ള സൌകര്യം റെയിൽവേ യിൽ ഏർപ്പെടുത്തുക.

കണ്ണടച്ച് എതിർക്കുന്നതിനെക്കാൾ നല്ലത് പ്രായോഗികമായ മാറ്റങ്ങൾ വരുത്തുന്നതിൽ ആവും

ബിജു ലോഞ്ചിനോസ്

ഓർക്കാനായി ചില ചിന്തകൾ

Longhinos — Wed, 22 Apr 2015 02:46:26 GMT

# വങ്കന്മാരോട് വാദികുന്നത്‌ അവരെ അംഗീകരിക്കുന്നതിനു തുല്യമാണ്!

# വ്യക്തമായ അഭിപ്രായം പറയുവാൻ മടിക്കുന്നവൻ, തന്കാര്യപ്രമാണിയും മറ്റുള്ളവർക്ക് ദോഷം ഉണ്ടാക്കുന്നവനുമായിരിക്കും

ആം ആദ്മി പാർട്ടി- കേരള ഘടകം അധികാരത്തിനായി കൂടിയ കൂട്ടമോ?

Longhinos — Mon, 30 Mar 2015 06:49:18 GMT

ദില്ലിയിലെ ആം ആദ്മി പാർട്ടി ആകെ കുഴപ്പത്തിൽ ആണെന്നും രാഷ്ട്രിയ പൊട്ടിത്തെറികൾ പ്രതിഷിക്കണം എന്നുമെല്ലാം മാധ്യമങ്ങൾ നമ്മെ ദിനംപ്രതി ഓർമിപ്പിച്ചു കൊണ്ടിരിക്കുന്നു. ദില്ലി ഭരിക്കുന്ന പാർട്ടി ആയതുകൊണ്ടും പ്രതിലോമ സാഹചര്യങ്ങളെ അതിജീവിച്ചു ഭരണത്തിൽ വന്നതുകൊണ്ടും ''ആപ്പിലെ'' ആപ്പുകളെ സാധാരണക്കാർ ഒന്ന് ശ്രദ്ധിച്ചു പോകും. കാരണം സാധാരണക്കാരന്‌ ആപ്പായി നില്ക്കുന്ന രാഷ്ട്രിയ പ്രസ്ഥാനങ്ങൾക്ക്‌ ആപ്പായി വന്ന 'ആപ്പിനെ' ഇന്ത്യയുടെ രാഷ്ടിയ മാറ്റമായി പൊതുവെ കരുതുന്നു. കാരണം, ഇവിടുത്തെ പ്രശ്നങ്ങൾ കാട്ടുമ്പോൾ ഉഗാണ്ടയിലെ പ്രശ്നങ്ങളെ പറ്റി പറയുന്ന ഇടതു പക്ഷം, അറിയെത്രയെന്നു ചോദിച്ചാൽ പയറഞ്ഞാഴി എന്ന് പറയുന്ന മധ്യപക്ഷം, മനുഷ്യ ജീവിത സാഹചര്യങ്ങളുടെ മേന്മയെക്കാൾ ''ദ്വൈവീക'' (ഒരിക്കലും അറിഞ്ഞിടാത്ത) ങ്ങളെ ഉയർത്തിക്കാണിക്കുന്ന വലതു പക്ഷം , ഇതല്ലാതെ ഇന്ത്യക്കരന്റ്റെ വികാരവും ആവശ്യങ്ങളും യഥാവിധം കണ്ടു ഭാവിയിലേക്ക് അവനെ സുസ്സജ്ജമാക്കുവാൻ തയ്യാറായുള്ള ഒരു പ്രസ്ഥാനവും ഇന്ത്യയിൽ ഇന്ന് ഇല്ല .ആപ്പ് ന്റ്റെ വരവ് ഇടതു മദ്ധ്യം വലതു ചേരികൾ കുട്ടിച്ചോറാക്കിയ ഇന്തിയൻ മനസ്സിനെ, വീണ്ടും പ്രശ്നാതിഷ്ടിത ചിന്താ പ്രക്രിയകളിലേക്ക് എത്തിച്ചു. കൊണ്ടായിരുന്നു .

ഇന്നത്തെ ഇന്ത്യയിൽ ഗുണമേന്മയുള്ള പൊതുമുതൽ ( വസ്തുവും, സേവനവും) ഒരു ശരാശരി വ്യക്തിക്ക് അപ്രാപ്യമാണ്. ഒരു ചെറിയ പൌരാവകാശം നടന്നു കിട്ടാൻ അനേകം ദിവസങ്ങൾ വേണ്ടിവരുന്നു, . പക്ഷെ പൈസയോ മറ്റു ദ്രവ്യങ്ങൾ കൊണ്ടോ വലിയ കാര്യങ്ങൾ വേഗം നടത്തിയെടുത്ത് വരുന്നത് സർവ സാധാരണമായിരിക്കുന്നു. എന്നുള്ള വസ്തുതകൾ ''ആപ്പ്'' എടുത്തു ഉയർത്തുമ്പോൾ, ഇന്ത്യാക്കാരനിലെ നവീനവാദിത്വത്തിന്റ്റ്റെ മുഖമാണ് തിളങ്ങുന്നത്.

ഒരു ജനാധിപത്യ രാഷ്ട്രത്തിൽ, ഭരണത്തിനായി ജനങ്ങൾ പ്രതിനിധികളെ തിരഞ്ഞെടുത്തു വിടുന്നുവെന്നും, അതിനാൽ ഓരോ പ്രതിനിധിയും പൌരനു താഴെയാണെന്ന്മുള്ള വസ്തുത ആപ്പിന്റ്റെ നവികരണ വാദത്തിൽ മുന്നിട്ടു നില്ക്കുന്നത് ശരാശരി ഇന്ത്യക്കാരൻ ശരി വയ്ക്കുന്നു. . മറിച്ചു എപ്പോഴത്തെയും പോലെ ''പ്രതിനിധി അധിപനാകുന്ന'' ആപ്പകുമോ ഈ രാഷ്ട്രിയ പ്രസ്ഥാനവും വെച്ച് നീട്ടുക? ഇത് കാലങ്ങൾ കഴിഞ്ഞേ പറയുവാൻ സാധിക്കു .

എന്നാൽ കേരളത്തിലെ ''ആപ്പിന്റ്റെ' വാർത്തകൾ കണ്ടിട്ട്, ഇത് വെറുമൊരു ആശയ ദാരിദ്ര്യം നേരിടുന്ന ഒരു അധികാര പറ്റം ആണോ എന്ന് തോന്നി പോകുന്നു . നിലവിൽ രാഷ്ട്രിയ കേരളത്തിലെ 'പോട്ട കിണറ്റിലെ പുളവക്കുട്ടങ്ങൾ'' ചെയ്യുന്ന അതേ കൃത്യങ്ങൾ തന്നെയാണ് ''കേരള-ആപ്പും'' ഇവിടെ കാട്ടിക്കുട്ടുന്നത്. മന്ത്രിയുടെ വഴിതടഞ്ഞാൽ അഴിമതി നിൽക്കുമെന്നതും, സെക്രട്ടേറിയറ്റ്-നു മുമ്പിൽ നിരാഹാരം കിടന്നാൽ കിട്ടുവാനുള്ളതാണ് ''രാഷ്ട്ര്യ അവകാശമെന്നും '' കേരള-ആപ്പ്'' വാദികൾ മറ്റുള്ള പാർട്ടികൾ കരുതുന്നത് പോലെ കരുതുന്നു. ഇതിന്റ്റെ പ്രതിചായയാണ്‌ ''ആപ്പിന്റ്റെ' പുതിയ തീരുമാനത്തിൽ പ്രതിബിംബിക്കുന്നത്.

കേരളത്തിൽ ഒരു സാധാരണ രാഷ്ട്രിയ ശക്തി ആകുവാൻ പോലും ഇതുവരെ ''ആപ്പിനു'' സാധിച്ചിട്ടില്ല. ദില്ലിയിലെ രാഷ്ട്രിയ കുടയ്ക്കീഴ്ൽ മുളച്ചു വന്ന ഒരു കൂട്ടം കുമിളകൾ മാത്രമാണ് '' കേരള- ആപ്പ് ''. എന്നാൽ പ്രവർത്തന ശൈലികളാൽ അർത്ഥശൂന്യമായിത്തീർന്നുകൊണ്ടിരിക്കുന്ന കമ്മ്യുണിസ്റ്റ് പാർട്ടികളിൽ നിന്നും മാറിനില്ക്കുന്ന നല്ലൊരു കൂട്ടം ജനങ്ങൾക്ക്‌ 'ആപ്പ്' ഒരു തണൽ നല്കിയേക്കും എന്ന തോന്നൽ വളർത്തിയിരുന്നു. ഇടതും വലതുമായി തിരിഞ്ഞു യാതൊരു ലക്ഷ്യവും നേടാതെ പൊങ്ങു തടിയായി കിടക്കുന്ന കേരളത്തിൽ, സാധാരണക്കരന്റ്റെ വികാരം ഉൾക്കൊണ്ട്‌ ഒരു ഇതര പ്രസ്ഥാനം ആകുവാൻ ശ്രമിക്കുന്നതിനു പകരം, ദില്ലി പാർട്ടി വിഭാഗത്തിലെ പ്രശ്നങ്ങൾ ആവാഹിച്ചു, അതിനു സമാന്തര പ്രശ്നം ഇവിടെ ഉണ്ടെന്നു വരുത്തി, ഉള്ള കൂട്ടായ്മയെ വിഭജിക്കുന്നതിന്റ്റെ മീമാംസ തികച്ചും വിലകമായ രാഷ്ട്രിയത അല്ലെ കാട്ടുന്നത് ? അധികാരത്തിനു വേണ്ടിയോ അല്ലെങ്കിൽ അധികാര ദല്ലാൾ പണിക്കു വേണ്ടിയോ ആണ് 'ആപ്പ്-കേരള' രൂപീകരിച്ചതെന്നു ഈ പ്രവർത്തികൾ കണ്ടാൽ തോന്നിപ്പോവും.

കേരളത്തിൽ ''ആപ്പ് ന്റ്റെ'' ആവശ്യം ഉണ്ടോ എന്ന് ആപ്പ് സ്വയം ചോദിക്കുക. ഉണ്ട് എന്ന് പൂർണ ബോധ്യം വന്നാൽ, ആ ആവശ്യങ്ങൾക്കായി പ്രവർത്തിക്കുവാൻ രൂപരേഖ ഉണ്ടാക്കുക. ഇവിടെ പ്രവർത്തിക്കുവാൻ വേദികൾ ഉണ്ടാവുമ്പോൾ ദില്ലി പ്രശ്നങ്ങൾ അനുബന്ധിതങ്ങൾ മാത്രമാവുന്നു. പ്രവർത്തന വേദികൾ ഇല്ലാതെ വന്നാൽ ഇതുപോലെ മറ്റൊരു ഇടത്തെ പടല പിണക്കങ്ങൾ ഇവിടത്തെ പ്രധാന പ്രശ്നങ്ങൾ ആകുന്നു. ലക്ഷ്യ ബോധം ഇല്ലാത്തവരുടെയും മറ്റു വേദികളിൽ സ്ഥാനം കിട്ടാത്തവരുടെ ഒരു സംഘമായി മാറരുത് ''ആപ്പ്-കേരള''.

ആം ആദ്മി പാർട്ടിയും കേരളവും

Longhinos — Sun, 29 Mar 2015 19:57:57 GMT

ആം ആദ്മി പാർട്ടി - കേരള ജനങ്ങൾക്കായി പ്രവർത്തിക്കുവാൻ ആഗ്രഹിക്കുന്നുവെങ്കിൽ, കേരളത്തിലെ ശരാശരി രാഷ്ട്രിയക്കാർ കാട്ടിക്കൂട്ടുന്ന അടവുകൾ പിന്തുടരാതെ ഇരിക്കുക. സ്ഥിരം സമരമുറകൾ വെറും തട്ടിപ്പാണെന്നും അതിനു ടീവിയിൽ കാണുന്ന റിയാലിറ്റി ഷോ പൊലെയെ ഉള്ളു എന്നും ശരാശരി മലയാളി കരുതുന്നു . അഴിമതിയെ വിമർശിച്ചു നാട് നീളെ പ്രചരണം നടത്തേണ്ട കാര്യമിന്നില്ല. മറിച്ചു അഴിമതി രഹിതമായ സമൂഹം പ്രായോഗികമായി കേട്ടിപെടുത്തുവനാണ് ആം ആദ്മി പാർട്ടി ശ്രമിക്കേണ്ടത്. ശ്രീ കെ എം മാണിയുടെ കാർ തടഞ്ഞതു കൊണ്ട് മാത്രം കേരളത്തിലെ അഴിമതി തീരുമെന്ന് ''ആപ്പ്'' കരുതുന്നുവെങ്കിൽ, നിങ്ങളുടെ സമരത്തിന്റ്റെ കാമ്പ് എൽടിഎഫ് ഉം ബിജെപിയും നടത്തുന്ന പ്രഹസനങ്ങൾക്ക് സമാന്തരമേ ആകുകയുള്ളൂ . ശരാശരി വിദ്യാഭ്യാസം നേടിയിട്ടുള്ള മലയാളി ആഗ്രഹിക്കുന്നത് ഇമ്മാതിരി നാടകങ്ങൾ അല്ല. മറിച്ചു സമുഹത്തിന് ഗുണം നല്കുവാനുതകുന്ന രാഷ്ട്രിയ മാറ്റങ്ങൾ ആണ്. ഈ ദിശയിലേക്കു ''ആപ്പ്'' രാഷ്ട്രിയ പ്രവർത്തനങ്ങളെ രൂപപ്പെടുത്തണം. ഇടതും വലതുമെന്നു പറഞ്ഞു അപ്രസക്തമായ കാര്യങ്ങളിൽ വെറുതെ അടികൂടി നന്നാകാനുള്ള അവസരങ്ങൾ ഈ മലയാളക്കര ഇനിയും നഷ്ട്ടപ്പെടുത്തരുത്.

ദ്വിവ്യക്തിത്വം - മലയാളിക്ക് ശാപം

Longhinos — Wed, 18 Mar 2015 01:27:04 GMT

മാർച്ച്‌ 9-തിനു മലയാളിക്ക് നാണക്കേട്‌ ഉണ്ടാക്കിയതും വരും തലമുറയ്ക്ക് തെറ്റായ ചിഹ്നം നല്കിയതുമായ കലാപ പരിപാടിയിൽ രണ്ടു ചേരിയിൽ നിന്നും പടപോരിതിയ രാഷ്ട്രിയക്കാർ, മാർച്ച്‌ 16-നു ഒരു മുതലാളിത്വ മഹാമാങ്കത്ത്തിനു ഒരേ വേദിയിൽ എത്തി ചേരുവാൻ ഒരു ഉളുപ്പും കാണിക്കുന്നില്ല. ദ്വി മുഖം അല്ലാതെന്തു പറയാൻ, കഷ്ട്ടം തന്നെ !!!

മുതല് കയ്യാളുന്നവൻ അവന്റ്റെ മുതല് വളർത്തുവാൻ ഏതു അറ്റം വരയും പോകും എന്നത് മാർക്സ് നമ്മൾ മലയാളികളെ 18-ഓളം വരുന്ന കമ്മ്യുണിസ്റ്റ് പാർട്ടികളിലൂടെ എക്കാലവും ഓർമിപ്പിക്കുന്നു. ഈ പാർട്ടിക്കൾ എല്ലാം തന്നെ എലെക്ഷെൻ സമയത്ത് മലയാളിയുടെ സാധാരണ വേഷത്തെ പ്രകീർത്തിച്ചു ഇതെല്ലം നമ്മളെ ഓർമിപ്പിച്ചു, ഓട്ടു വാങ്ങുകയും, പോതുമുതലിന്റ്റെ അധിപന്മാരും ആകുന്നു,

അങ്ങനെ പൊതു മുതൽ യധേഷ്ട്ടം കയ്യാളുവൻ അവസരം നേടിയെടുത്തു, മുതലാളി ഒരുക്കുന്ന സംരംഭങ്ങളിൽ "പമ്മിയപൂച്ച" മാരായി പറ്റിക്കുടുന്നു.. ചുങ്കത്തെ എമാന്മ്മാർ ഒരുക്കുന്ന വേദി എന്തിന്നെന്നു പോലും ചിന്തിക്കാതെ കിട്ടുന്ന വേദികളിൽ തിളങ്ങാൻ വെമ്പുമ്പോൾ ഈ രാഷ്ട്രിയ ജാതികൂട്ടം കാണിക്കുന്നത് നെറികേട്ട സ്വഭാവത്തെയാണ്.

ഇടതും വലതുമായി i പിരിഞ്ഞു നില്ക്കാതെ നമുക്ക് രാജ്യത്തിനായി ഈ "നെറികെട്ട സ്വഭാവം അല്ലെങ്കിൽ ദ്വി വ്യക്തിതം " മാറ്റുവാനായി പരിശ്രമിക്കാം

ഇത് എന്തൊരു രീതി?

Longhinos — Tue, 17 Mar 2015 17:14:48 GMT

ഇന്നത്തെ പത്രവാർത്ത എന്നെ തെല്ലൊന്നു അമ്പരിപ്പിച്ചു. നിയമസഭയിൽ കോലാഹലം കാട്ടികൂട്ടിയ MLA മാർക്ക് സസ്പെൻഷൻ. നല്ലത് തെമ്മാടിത്തരം കാണിക്കുന്നവർ ശിക്ഷിക്കപ്പെടണം. എന്നാൽ ശിക്ഷിക്കപ്പെട്ടവർക്ക് പ്രതിപക്ഷ നേതാവിന്റ്റെ വക ഹാരവും ലഡുവും പിന്നെ പ്രശംസയും! ഈ ലോകത്തിനു എന്ത് പറ്റി? ഈ വാർത്തയും ഫോട്ടോയുമെല്ലാം വളരുന്ന തലമുറയ്ക്ക് എന്ത് സന്ദേശമാണ് നല്കുന്നത്? ശരിയെ ധിക്കരിക്കുന്നവൻ "നേതാവ്" അല്ലെങ്കിൽ "നേതാവ്" ആകണമെങ്കിൽ അലവലാതിത്തരം കാണിക്കണം, എന്നെല്ലേ?

അക്രമം എന്നത് ഗതി കിട്ടാതെ വരുമ്പോൾ മാത്രം എടുക്കേണ്ട വഴിയാണ്.അത് സന്നർഭവശാൽ ഉടലെടുക്കുന്നതാണ് അല്ലാതെ മുന്നേ തീരുമാനിച്ചു വ്യക്തമായ കാര്യപരിപാടികളോടെ നടത്തപെടുന്നതല്ല അതുപോലെ തൊട്ടതിനും പിടിച്ചതിനും വേണ്ടിയോ അല്ലെങ്കിൽ ഇഷ്ട്ടമില്ലാത്തവർക്കെതിരെയൊ ഉപയോഗിക്കേണ്ട ഒരു ആയുധമല്ല അക്രമം.

അദ്ധ്യാപകർ രക്ഷകർത്താക്കൾ എന്നിവരോട് ഒരു വാക്ക്.. കുട്ടികളെ നന്മയുടെ മുഖം കാണിച്ചു കൊടുക്കേണ്ട ചുമതല നിങ്ങളിലാണ്. തെറ്റിനെ പ്രശംസിക്കുന്ന രാഷ്ട്രിയ നെറികേട് കണ്ടു കുട്ടികളുടെ ചിന്താഗതിയും ദിശാ ബോധവും നാശത്തിന്റ്റെ വഴിയിലേക്ക് പോകരുത് . കയ്യ് വിട്ടുപോയാൽ നാളെ അവർ നിങ്ങളെ തല്ലും. എന്നാൽ പൂവും താലപൊലിയും കൊടുക്കാൻ ഇതുപോലെ ആരും കണ്ടെന്നും വരില്ല . കാരണം അതിൽ നിന്നും രാഷ്ട്രിയ മുതലെടുപ്പോന്നും കിട്ടില്ലല്ലോ !

അബദ്ധധാരണ - Misconcept

Longhinos — Sun, 15 Mar 2015 06:45:34 GMT

പത്തോളം വർഷത്തെ അധ്യാപക -സംഘടന പ്രവർത്തനത്തിന് ശേഷം 2010-ഇൽ ഞാൻ ആ രംഗത്തുനിന്ന് പിൻവാങ്ങി, വ്യക്തിപരങ്ങളായ കാരണങ്ങൾ ഒന്നുംതന്നെ ഈ തീരുമാനത്തിന് പിന്നിലില്ല. മറിച്ചു, ഞാൻ വെച്ച് പുലർത്തുന്ന ചിന്തകൾക്ക് ആനുകാലിക സ്വീകരണം ഇല്ലന്ന അനുഭവമാണ്‌ എന്നെ ആ കർമ്മരംഗത്ത് നിന്നും മാറുവാൻ പ്രേരിപ്പിച്ചത് . അധികാരികളെ "മണിയടിച്ചു" വ്യക്തിഗത കാര്യങ്ങൾ സാധിക്കുവാൻ അധ്യാപക സംഘടനകളെ ഉപയോഗിച്ച വിദ്വാന്മാരുടെ വിജയം, എന്നെ തെല്ലൊന്നു അതിശയിപ്പിച്ചു. ഒരു പക്ഷെ ഇക്കുട്ടർ അഞ്ചു ദശാബ്ദങ്ങൾക്കു മുമ്പ് ജനിച്ചിരുന്നുവെങ്കിൽ EMS -ഉം TV-ഉം MN -ഉം എല്ലാം കുത്തുപാള എടുത്തു വീട്ടിൽ ഇരുന്നേനെ !

എന്തായാലും സ്വകാര്യ ലാഭം ലക്കാകിയുള്ള പോക്ക് സംഘടനകളുടെയും "ഗിൽഡ്" സ്വഭാവത്തെ പൊതുവായി ബാധിച്ചു. ആരോടായാലും വിലപേശാനുള്ള കെൽപ്പു, ഇന്ന് സംഘങ്ങൾക്ക് ഇല്ലാതായി പോയി. അങ്ങനെ മിക്ക സംഘങ്ങളും രാഷ്ട്രിയ പ്രസ്ഥാനങ്ങൾക്ക്‌ കീഴ്പെട്ടു പോയി. രാഷ്ട്രിയ പ്രസ്ഥാനം അബദ്ധം കാട്ടിയാൽ ഇക്കുട്ടർ തെറ്റു തിരുത്തുവാൻ മുന്നിട്ടിറങ്ങുന്നതിനു പകരം, ആ തെറ്റിനെ കണ്ടില്ല എന്ന് നടിച്ചു, മറ്റൊന്നിനെ ചൂണ്ടികാണിച്ചു പരിഹസിക്കുന്നു. രണ്ടു കാലിൽ മന്തുള്ളവൻ ഒറ്റക്കാലിൽ മന്തുള്ളവനെ ചൂണ്ടികാണിച്ചു പരിഹസിക്കുന്നത് പോലെ!

സംഘങ്ങൾക്ക് അതിന്റ്റെ ഉള്കാമ്പ് നഷ്ട്ടപ്പെട്ടപ്പോൾ അതിലെ അംഗങ്ങൾക്ക് ആശയ ദിശാബോധവും നഷ്ട്ടപ്പെട്ടു രാഷ്ട്ര്യപര്ട്ടിയുടെ പിൻബലമില്ലാതെ ആര്ക്കും നിലനില്പ്പില്ല എന്നൊരു തോന്നൽ, മിക്കവരയും പിടികുടി. ഒരു കാലത്ത് ഞാനും അങ്ങനെ തന്നെ ചിന്തിച്ചു. ഒരു പക്ഷെ CPI -യോട് ഉണ്ടായിരുന്ന ഒരടുപ്പം അങ്ങനെയൊക്കെ ചിന്തിപ്പിച്ചു. എന്നാൽ ഇതെല്ലം ഒരു അബദധാരണയാണെന്നതു വാസ്തവം. ഒരുപക്ഷെ രാഷ്ട്യക്കാർ തന്നെ യഥാവിധം നിലനിർത്തി പോരുന്ന ചിന്തയുമാവം അതോകൊണ്ടുള്ള മെച്ചം രഷ്ട്ട്രിയക്കാർക്കുതന്നെ! എപ്പോഴും ഒരു കൂട്ടം അവരുടെ കാൽകീഴിൽ കാണുമല്ലോ.

ദില്ലിയിലെ ജനകിയ മുന്നേറ്റമാണ് എന്നെ ചിന്തിപ്പിച്ചത്. ജനങ്ങൾ മുന്നിട്ടിറങ്ങി അവരെ കബിളിപ്പിക്കുന്ന തൻകാര്യ കർത്താക്കളെ വെല്ല് വിളിക്കുകയും അധികാരത്തിൽ നിന്നും പുറത്താക്കുകയും ചെയ്തു. ഇതിനു ഒരു രാഷ്ട്രിയ ആശയതിന്റ്റെയും ആവശ്യം വന്നില്ല. മറിച്ചു നല്ലത് വേണമെന്ന ചിന്തയും ഭയമില്ലാതെ ജീവിക്കണമെന്ന ആഗ്രഹവും. ഇത് രണ്ടും നല്ലൊരു കൂട്ടായ്മക്ക് വേദി ഒരുക്കും. പ്രവർത്തിക്കുവാൻ വേണ്ടത് ഈ കൂട്ടായ്മയാണ്. അല്ലാതെ കാണാതെ ഉരുവിടുന്ന മുദ്രാവാക്യങ്ങൾ അല്ല.
ഇനിയും അബദ്ധധാരണകൾ വെച്ച് പുലർത്താതെ നമുക്ക് നന്മക്കായി പുതു കൂട്ടായ്മ ആരംഭിക്കാം

വെറുതെ കളയുന്ന സമയങ്ങൾ - The bewaisted times

Longhinos — Sat, 14 Mar 2015 05:45:55 GMT

ഒരു സമൂഹത്തിന്റ്റെ വിലപെട്ട സമയമാണ് പലതരത്തിലുമുള്ള രാഷ്ട്രിയ പുറാട്ട്‌ നാടകങ്ങൾക്കായി കേരളത്തിൽ കളയുന്നത്. അഴുമതി ആരോപണം ഒരു പുതിയ പ്രതിഭാസമല്ല, പ്രത്യേകിച്ചു എളുപ്പ ലാഭം കൊയ്യാൻ അതീവമായി താത്പര്യം മുൻന്നിട്ടു നില്ക്കുന്ന ഈ കാലത്തിൽ. അഴിമതിക്കെതിരെ വളോങ്ങി നില്ക്കുന്ന എത്രപേര്ക്ക് അതിനുള്ള അർഹത ഉണ്ട് ?

കേരളത്തിലെ 140 MLA മാരും, എല്ലാരാഷ്ട്യ്ര പാർട്ടികൾ അഴിമതിയിൽ നിന്നും വിമുഖ്തമാണോ? സാധാരണ ജനത ഇവരെ ആരും തന്നെ "മിശിഹ" ആയി കണക്കാക്കുന്നില്ല.

അതുകൊണ്ട്, രാഷ്ട്യക്കാർ സ്വയം നന്നാവുക, എന്നിട്ട് . മറ്റുള്ളവരെ നന്നാക്കാൻ ഇറങ്ങുക .ആരും ആദ്യം പഠിക്കേണ്ടത് അധ്വാനിച്ചു ജീവിക്കാനാണ് . പിന്നെ മതി രാഷ്ട്രയ പ്രവർത്തനം. തെണ്ടി തിരിഞ്ഞു നടക്കുന്നവർക്ക് വേണ്ടി രാഷ്ട്ര്യം മാറിയിരിക്കുന്നതു ഈ സമൂഹത്തിന്റ്റെ ഭാവിയെ നശിപ്പിക്കും തൊഴിലിന്റ്റ്റെ മഹാത്മ്യം അറിയുന്നവർ അഴിമാതിക്കാരാവില്ല അതുപോലെ നാശതിന്റ്റെ ഭാഷയും അവര്ക്ക് അന്യമായിരിക്കും. ഇനിയെങ്കിലും കേരളം ഉണരൂ ..... ഇടതെന്നും വലതെന്നും വേർതിരിഞ്ഞു നില്ക്കാതെ നമ്മളുടെ വളർച്ചക്ക്‌ വിഘ്നം നില്ക്കുന്ന " അലവലാതികളെ" തിരിച്ചറിഞ്ഞു അവരെ ഒറ്റപെടുത്തു. നല്ലൊരു സമൂഹം കെട്ടി പെടുത്തുവാൻ ഗുണ്ട മനോവികരതിന്റ്റെ ആവശ്യം ഇല്ല .

ഈ ദേശത്തിനെ തുലയ്ക്കുന്ന പണികളിൽ ആരും ഇടപെടാതിരിക്കുക. നശിപ്പിക്കുവാൻ എളുപ്പമാണ് പക്ഷെ ഉണ്ടാക്കുവാൻ യുഗങ്ങൾ വേണ്ടിവരും

ഇത് ഒരു ' നികുതി കൊണ്ടുക്കുന്ന' ഒരു പൌരന്റ്റെ അപേക്ഷയാണ് .

===

വിശ്വാസമേ അന്ധമാണ്‌ !

Longhinos — Sat, 14 Mar 2015 04:37:22 GMT

വിശ്വാസം എന്നതിന് ശാസ്ത്ര്യ അടിത്തറയില്ല . അടിസ്ഥാനം അവ്യക്തമാണ് എന്നാണ് വിശ്വാസം എന്നെതുകൊണ്ട് മനസ്സിലകേണ്ടത്. അവ്യക്തത അന്ധകാരത്തിന് തുല്യമാണ് . അഥവാ അവ്യക്തത അന്ധമാണ്‌. ആയതിനാല്‍ 'വിശ്വാസത്തെ ' ശരിയായതെന്നും അന്ധമായതെന്നും രണ്ടായി തിരിച്ചു കാണേണ്ടതില്ലന്നാണ് എന്റ്റെ നിരീക്ഷണം
==

Belief itself is Blind

Belief does not bear any scientific base. One believes, when he/she does not know the real aspects of the "issue" he tries to perceive. Unawareness is just blindness about the issue. Therefore, it is futile to classify belief into "true" and "false". Its my opinion on belief.